Friday, 9 July 2010

മാതൃ(വൃദ്ധ)സദനം

കാഴ്ചകൾ മരിച്ചുവെങ്കിലും,പരതുന്നു; എന്റെ കണ്ണുകൾ
പ്രതീക്ഷയുടെ ഒരു നുറുങ്ങുവെട്ടത്തിനായ്...

നൈമിഷിക സുഖത്തിനും ഉപരി
മനസ്സിനെ മദിച്ചിരുന്നു മാതൃത്വമെന്ന
മഹത്തായ വികാരം.

അടിച്ചേല്പ്പിക്കപ്പെട്ട ഏകാന്തതയിൽ
അമ്മത്തൊട്ടിലായിരുന്നു നിനക്കഭയമായി
ഞാൻ വിധിച്ചിരുന്നതെങ്കിൽ
വിലക്കപ്പെടുമായിരുന്നില്ലേ....
എന്റെ മാറിൽ നിന്നും നീ വലിച്ചെടുത്ത
പ്രാണന്റെ തുള്ളികൾ....

വീണ്ടും ചുരത്താം ഞാനെന്റെ മുലകൾ
എന്റെയീ അന്ത്യയാമത്തിലും
ഒരിക്കൽ കൂടി നീയെന്നിലേക്ക് ഓടിയെത്തുമെങ്കിൽ
എനിക്കൊരു സാന്ത്വനമായ്..

No comments:

Post a Comment

വല്ലതും പറയണമെന്നു തോന്നുന്നുവെങ്കിൽ..