Monday, 12 July 2010

നിശ്വാസം

സ്നേഹത്തിന്നും, വേർപാടിനും മദ്ധ്യേയുള്ള
നൂൽ പാലത്തിലൂടെ
കൊച്ചു കൊച്ചു സ്വപ്നങ്ങൾ ചേർത്തു വെച്ച
ഒരു വലിയ ഭാണ്ഢവും ചുമലിലേറ്റി
ഉറയ്ക്കാത്ത ചുവടുകളുമായി നീങ്ങുന്ന
അവ്യക്തമായ ആ രൂപം..
എന്റെ പ്രതിബിംബം!!

നാണയത്തുട്ടിന്റെ കിലുക്കം കല്പനകളാകുന്ന
പൊള്ളുന്ന ചുറ്റുപാടിൽ..
മൂല്യപ്പെടുത്തലുകൾക്ക് എന്നും
അന്യം നില്ക്കുന്ന വിയർപ്പു തുള്ളികൾ
അതിന്റെ അവകാശികളുടെ
പ്രതീകമാണാവ്യക്ത രൂപം...

നിനക്കെങ്കിലും വായിച്ചെടുക്കാൻ
കഴിയുന്നൊ? പ്രിയേ...
ഈ കടലാസു തുണ്ടിലേക്ക്
പകർത്താൻ ശ്രമിച്ച
എന്റെയീ ജീവിത ഗന്ധം..

No comments:

Post a Comment

വല്ലതും പറയണമെന്നു തോന്നുന്നുവെങ്കിൽ..