Thursday, 22 July 2010

റീ ഷെഡ്യൂളിങ്ങ്

കൊഴിഞ്ഞു വീണു മറ്റൊരില കൂടി
ഞങ്ങളുടെ കുടുംബത്തിൽ
വാടലേറ്റിരുന്നില്ല; പ്രതീക്ഷയുടെ
ഇളം നാമ്പിന്റെ പച്ച നിറമായിരുന്നു പ്രായം

വിശ്രമകേന്ദ്രം നിർത്തിയിട്ടിരുന്ന വാഹനമായിരുന്നു
ജൂലായ് 6ന്‌ ജന്മനാടയുന്നതിന്റെ
സുന്ദരങ്ങളായ നിമിഷങ്ങൾ കൂട്ടുപിടിച്ച്
അവൻ കടന്നുചെന്നു നിദ്രയുടെ തീരങ്ങളിലേക്ക്

അവന്റെ വിധിയും ചുമന്ന്
കാതങ്ങൾ ഓടിക്കിതച്ചെത്തിയ വാഹനം
ഒരു വേട്ടനായയായ് അവനു മേൽ
കടിച്ചു കീറി ആ സ്വപ്നങ്ങൾ..

മരണത്തിന്റെ ഉമ്മറവാതിലിൽ നിന്നും
ഭിക്ഷയായ് എറിഞ്ഞു കിട്ടിയ നിമിഷങ്ങൾ
കാണിക്കയാക്കി വൈദ്യശാസ്ത്രത്തിന്റെ നടയിൽ
വീണ്ടും പറക്കാനുദ്ധേശിച്ചു ജൂലായ് 24ന്‌

മൗനികളായ; ശരീരത്തിലെ ദുർമേദസ്സുകൾ
പത്തിനിവർത്തിയാടി അവന്റെ പ്രാണനിൽ..
മാലാഖമാരുടെ അകമ്പടിയോടെ
തീരുമാനിക്കപ്പെട്ട ദിവസത്തിന്നും മുൻപേ
അവൻ യാത്രയായ്; ഞങ്ങളെയുമേല്പ്പിച്ച്
അവനഴിച്ചു വെച്ച ഭൗതികരൂപം ഉറ്റവരിലെത്തിക്കാൻ

നിറമിഴികൾ സാക്ഷിയായ്...കടലിരമ്പുന്ന മനസ്സുകൾ..
ഇടറുന്ന പ്രാർത്ഥനകളോടെ അവന്റെ ആഗ്രഹം നിറവേറ്റി
ജൂലായ് 22ലെ മറ്റൊരു വിമാനത്തിൽ...

No comments:

Post a Comment

വല്ലതും പറയണമെന്നു തോന്നുന്നുവെങ്കിൽ..