Thursday, 8 July 2010

ശിക്ഷ

ആ പതിഞ്ഞ ശബ്ദം
എനിക്ക് അദ്ധ്യാത്മികതയായിരുന്നു
എന്റെ വന്യതയിൻ മേലുള്ള വിജയമായിരുന്നു
ആ കണ്ണുകളിലെ തിളക്കം
മുടിയിഴകൾ; ഭൂതകാലത്തിൽ നിന്നും
എനിക്കുള്ള മൂടുപടമായി
അവളിലെ ജീവിത വർണ്ണങ്ങൽ കൊണ്ട്
എനിക്കൊരു മുഖച്ചായ വരഞ്ഞിട്ടു
പരിശുദ്ധി; അവളതെന്നിലേക്ക് ചേർത്തു വെച്ചു

ഊടും പാവുമായി ഞങ്ങൾ
ജീവിതം നെയ്യാൻ തുടങ്ങിയപ്പോൾ
അതിലെ കസവു നൂലുകൾ പൊട്ടിച്ചെടുത്ത് കൊണ്ടു
വിധിയെനിക്ക് ശിക്ഷ വിധിച്ചു

“നിന്റെ ചുറ്റുപാടുകളിൽ
നീ നല്കിയ ക്രൂര നിമിഷങ്ങൾ സാക്ഷി!
നിനക്കുള്ള തടവറ നീ സ്വന്തം പണിയുക
ഓർമ്മകൾ; നിനക്കതിൽ നീറ്റലാവട്ടെ....

No comments:

Post a Comment

വല്ലതും പറയണമെന്നു തോന്നുന്നുവെങ്കിൽ..